قصة البنت التي طلبت من كنتاكي الساعه 4الفجر ..

بسم الله الرحمن الرحيم

السلام وعليكم ورحمة الله وبركاته

اشحالكم ؟؟ عساكم طيبين

قصه البنت الي طلبت من كنتاكي....
كان في وحده نايمين عندها بنات خالتها ....وهالبنت خبله ومفوته
...المهم جاعوا البنات وتبي تطلب من كنتاكي
هو الوحيد الظاهر اللي يفتح الفجر ويوصل في هالوقت...كانت الساعه 4 الفجر
المهم انها كلمت الاستعلامات وقالت ابي رقم كنتاكي...هو حق الاستعلامات نص لفه وفاضي
راح عطاها رقم جوال وقالها هذا كنتاكي....
قالت كنتاكي ورقم جوال!!!!! كيف؟؟؟
..قالها ايه توهم فاتحينه فرع جديد وما بعد وصلهم خط
.. البنت صدقت وراحت دقت على الجوال
قالت كنتاكي..... قال نعم<===متفق مع خويه
قالت ابي اسوي طلبيه ..قال كم رقم اشتراكم؟؟ ..قالت ما عندنا
قال طيب وصفي لي البيت...وراحت وصفت له ..وسئلها باسم مين وعطته الاسم والرقم
الرجال انبسط عليها..راح لكنتاكي وطلب طلبيتها وراح لها لبيتهم بعد ما غير ملابسه
لبس بنطلون وتيشيرت وكاب ..ووقف السياره بعيد شوي..ونزل
رن الجرس....قال كنتاكي فرايد تشيكن بلهجة هنود..
جت البنت تركض ..وعطته الفلوس ...واخذت الطلب
هي الاخت مشرعه الباب...تحسبه هندي
هو انبسط وقام يتفرج...البنت حلوه مره..واعجبته
صارت كل ما دقت عليه على انه كنتاكي سوى نفس الحركه...ولو كان بالثمامه رجع عشان خاطر عيونها
في الاخير الولد مره حبها....و تقدم لها وخطبها...وصاروا زوجين سعيدين
بعد ما تزوجها قالها السالفه
وصار كنتاكي مطعمهم المفضل...